شنو ندير مع هاد الناس 2013

2013 2013 2013
انا عندي ولد عمرو 3 سنوات ومزال متيهدرش مزيان ففكرت اني ندخلو للروض باش يولف الدراري ويطلق شوية فالهدرة ولكن للاسف المدارس الخاصة اللي مزيانين كلهم بعاد عليا يعني ولدي خاصو transport وانا مبغيتش من دابا نديرو ليه حيت صغير بزاف وعاد داك الفياق فالصباح بزاف عليه ففكرت ندخلو لشي روض قريب ليا باش نديه على خاطرو يدوز غير واحد ساعة او سعتاين فالصباح والعشية المهم ديناه لواحد الروض غير حدانا ب 200 درهم و 400 درهم لا سورنس يعني رخيص وانا مولفة كل المدارس الخاصة اللي شفت كنطلب من المديرة نشسف القسم ومكان اللعب ديال الاطفال وكنسولها على programe اللي تيديرو مع الدراري المهم هادي مشا غي راجلي اللي شافها وقاليا راها ماشي شي حاجة ولكن حنا بلغينا غير ولدنا يطلق لسانو مع الدراري قلت ليه صافي يلاه نسجلوه دخلت وسجلتو بلا منسولها لا نشوف قسم ولا والو بحال الله يستر ايلا تلفت ونيت حيت درت فبالي بلي مدرسة بداك الثمن مكاين لاش نسول يعني راها ماشي شي حاجة المهم ديت ولدي نهار الاول ونهار الثاني قلت ارى ندخل نجيبو من القسم ونيت نوشف داكشي كيف داير ايوا الالياتي لقيت القسم هو اصلا كراج ردوه قسم كبير واسع وبارد ودراي قلال يعني شي 8 واحد السبورة والطبلة والكراسا جالسين فيهم قدام والارض غير الزليج والبرودة كطلع منها ومكاين لا لعب لا والبو معندهم حتى لعبة يعني الدراري نهار ومطال وهما جالسين مساكن من غير المعلمة ايلا وراتهم شي حروف وصافي المهم سولت المعلمة شنو هادشي قالت ليا راكي كتشوفي قالت ليا سيري عند المديرة وهدري معاها مشيت ليها وهدرت معاها بالادب وقالت ليا مالكي مشتيش القسم من نهار الاول هادشي لي عندنا وسولتها على اللعب قالت ليا ولدك ايلا جا لهنا يقرا وحتى يمشي للدار عاد يلعب المهم طالت الهدرة بيني وبينها وعرفت بلا من صدع راسي معاها لحقاش السيدة اصلا متعرفش تهدر وبالنسبة ليها راه كلشي مزيان المهم من بعد جا واحد السيد خدام معاها فالادارة وجبد معايا الهدرة وقلت ليه بلي حشومة هاد المستوى وقاليا بلي الامكانيات معندهومش المهم من بعد قا ليا غادي نقادو الامور ولكن حتى يوصلو هادشي لاصحاب المدرسة المهم بلا من طول عليكم انا عارفة راه مغيديرو والو لحقاش قالو ليا هادي مدرسة غير ديال الدراوش وحتى شي حد من الاباء ما تشكى من غيري انا خديت ولدي وخرجتو ومن تما مديتوش لعنندهم ودابا معرفتش شنو ندير واش ممكن على الاقل يردو ليا فلوس لاسورونس منضيعش فيهم ولا غير نخلي ولدي تما حيت هدفي هو يطلق لسانو وخا انا مكرهتش نصيفط ليهم شي لجنة اللي تجبرهم يصاوبو المسائل كيف خاصها تكون والله مكرهت نديرهخا وكنفكر فهاد القضية لحقاش هاد الناس كيخافو ومكيحشموش ولكن معرفتش كيفاش غندير كنتمنى تنصحوني</div>


2013 2013 2013

انا عندي ولد عمرو 3 سنوات ومزال متيهدرش مزيان ففكرت اني ندخلو للروض باش يولف الدراري ويطلق شوية فالهدرة ولكن للاسف المدارس الخاصة اللي مزيانين كلهم بعاد عليا يعني ولدي خاصو transport وانا مبغيتش من دابا نديرو ليه حيت صغير بزاف وعاد داك الفياق فالصباح بزاف عليه ففكرت ندخلو لشي روض قريب ليا باش نديه على خاطرو يدوز غير واحد ساعة او سعتاين فالصباح والعشية المهم ديناه لواحد الروض غير حدانا ب 200 درهم و 400 درهم لا سورنس يعني رخيص وانا مولفة كل المدارس الخاصة اللي شفت كنطلب من المديرة نشسف القسم ومكان اللعب ديال الاطفال وكنسولها على programe اللي تيديرو مع الدراري المهم هادي مشا غي راجلي اللي شافها وقاليا راها ماشي شي حاجة ولكن حنا بلغينا غير ولدنا يطلق لسانو مع الدراري قلت ليه صافي يلاه نسجلوه دخلت وسجلتو بلا منسولها لا نشوف قسم ولا والو بحال الله يستر ايلا تلفت ونيت حيت درت فبالي بلي مدرسة بداك الثمن مكاين لاش نسول يعني راها ماشي شي حاجة المهم ديت ولدي نهار الاول ونهار الثاني قلت ارى ندخل نجيبو من القسم ونيت نوشف داكشي كيف داير ايوا الالياتي لقيت القسم هو اصلا كراج ردوه قسم كبير واسع وبارد ودراي قلال يعني شي 8 واحد السبورة والطبلة والكراسا جالسين فيهم قدام والارض غير الزليج والبرودة كطلع منها ومكاين لا لعب لا والبو معندهم حتى لعبة يعني الدراري نهار ومطال وهما جالسين مساكن من غير المعلمة ايلا وراتهم شي حروف وصافي المهم سولت المعلمة شنو هادشي قالت ليا راكي كتشوفي قالت ليا سيري عند المديرة وهدري معاها مشيت ليها وهدرت معاها بالادب وقالت ليا مالكي مشتيش القسم من نهار الاول هادشي لي عندنا وسولتها على اللعب قالت ليا ولدك ايلا جا لهنا يقرا وحتى يمشي للدار عاد يلعب المهم طالت الهدرة بيني وبينها وعرفت بلا من صدع راسي معاها لحقاش السيدة اصلا متعرفش تهدر وبالنسبة ليها راه كلشي مزيان المهم من بعد جا واحد السيد خدام معاها فالادارة وجبد معايا الهدرة وقلت ليه بلي حشومة هاد المستوى وقاليا بلي الامكانيات معندهومش المهم من بعد قا ليا غادي نقادو الامور ولكن حتى يوصلو هادشي لاصحاب المدرسة المهم بلا من طول عليكم انا عارفة راه مغيديرو والو لحقاش قالو ليا هادي مدرسة غير ديال الدراوش وحتى شي حد من الاباء ما تشكى من غيري انا خديت ولدي وخرجتو ومن تما مديتوش لعنندهم ودابا معرفتش شنو ندير واش ممكن على الاقل يردو ليا فلوس لاسورونس منضيعش فيهم ولا غير نخلي ولدي تما حيت هدفي هو يطلق لسانو وخا انا مكرهتش نصيفط ليهم شي لجنة اللي تجبرهم يصاوبو المسائل كيف خاصها تكون والله مكرهت نديرهخا وكنفكر فهاد القضية لحقاش هاد الناس كيخافو ومكيحشموش ولكن معرفتش كيفاش غندير كنتمنى تنصحوني</div>


2013 2013 2013
Matrix - The continuous development